Të premten e 22 marsit, në Vizion Plus starton ‘Ferma VIP’.

Formati në thelb është një ‘Big Brother’ por me kushte specifike, ku banorët do të jetojnë duke u përkujdesur për kafshët teksa edhe procesi i nominimeve dhe eliminimeve dallon pak.

Ndonëse në vende të ndryshme të botës, patenta ka kohëzgjatje që varion, Prive merr vesh se ‘Ferma VIP’ do të zgjasë rrafsh 100 ditë.

Fjoralba Ponari dhe Bes Kallaku janë prezantuesit teksa kureshtja është shumë e madhe për VIP-at pjesëmarrës.

Sipas të gjitha gjasave, ata nuk do jenë nga të famshmit që u shfaqën në klipe ‘ngacmuese’ e që përfshijnë Adrola Dushin, Sinan Hoxhën dhe Noizyn.

Në TikTok po bën xhiro një tjetër listë e pakonfirmuar por që ka probabilitet të saktësisë për shumicën prej emrave.

Teksa numërimi prapa ka filluar, ne do t’iu njoftojmë hap pas hapi për detajet, përfshirë edhe detaje nga kasti.

Ndryshe, ‘Ferma VIP’ do të transmetohet me dy kanale 24/7 në platformën Tring.

FOTO