News

Porti i ri i Durrësit, Meta thirrje qytetarëve: Mos blini apartamente, është një skemë piramidale e qeverisë

Share on the social medias

Pas thirrjes së bërë nga kreu i Partisë Demokratike, Sali Berisha ndaj qytetarëve për të mos blerë apartamente në projektin për Portin e ri të Durrësit, edhe kryetari i Partisë së Lirisë, Ilir Meta, ka përsëritur të njëjtin apel.

Sipas ish-Presidentit kemi të bëjmë me një skemë piramidale, pasi qeveria ka përgatitur një aferë korreuptive pa memorandum dhe kontratë që do të shërbejë si skemë për t’i vjedhur paratë qytetarëve.

Postimi i Metës në Facebook:

“MOS BLINI APARTAMENTE NË PROJEKTIN E PORTIT TË DURRËSIT!

MOS BINI PRE E MASHTRIMEVE TË KËSAJ SKEME TË PASTËR PIRAMIDALE!

I ftoj të gjithë qytetarët të mos bien pre e mashtrimeve dhe të mos shpenzojnë asnjë qindarkë për blerjen e apartamenteve në Projektin e Portit të Durrësit, që nuk është gjë tjetër veçse një skemë e pastër piramidale për vjedhjen e parave tuaja.

Në mungesë të plotë transparence, për këtë të ashtuquajtur Projekt, nuk është publikuar asnjë memorandum, kontratë apo informacion se si do të bëhet ndarja e të ardhurave.

Është vetëm një aferë e pastër korreuptive, që synon t’ju vjedhë paratë dhe asgjë më shumë!

U bëj thirrje organeve të Drejtësisë të reagojnë menjëherë dhe të ndërhyjnë për të penguar nënshkrimin e çdo kontrate paraprake shit-blerje, në kundërshtim të ligjit dhe në dëm të qytetarëve.”-shkruan Meta.

You may also like...

Leave a Reply

Your email address will not be published. Required fields are marked *